tag:blogger.com,1999:blog-4097032754923504419.post8781976416657340942..comments2022-03-25T03:06:25.085-07:00Comments on മലയാളവേദി: ഹയര് എജൂക്കേഷന് കൌണ്സില് നിര്ദ്ദേശംമലയാളവേദിhttp://www.blogger.com/profile/07694937908628517051noreply@blogger.comBlogger2125tag:blogger.com,1999:blog-4097032754923504419.post-66338647407346777712009-04-10T23:42:00.000-07:002009-04-10T23:42:00.000-07:00ബിരുദതല പാഠ്യപദ്ധതി പുനഃസംഘടനയുമായി ബന്ധപ്പെട്ട് ഭ...ബിരുദതല പാഠ്യപദ്ധതി പുനഃസംഘടനയുമായി ബന്ധപ്പെട്ട് ഭാഷകളെ കേന്ദ്രീകരിച്ച് പല തലങ്ങളിലായി പലവിധ പ്രശ്നങ്ങള് ഉന്നയിക്കപ്പെട്ടു കഴിഞ്ഞു. പല പ്രതികരണങ്ങളിലും അവ്യക്തമായ നിലപാടുകളാണ് കാണാന് കഴിയുന്നത്.ഒരു സംവാദം രൂപപ്പെടുമ്പോള് ഇത്തരം കലക്കങ്ങള് സ്വാഭാവികമാണെങ്കിലും ആകെ കലക്കി ആരെയെങ്കിലും ചെളിവാരിയെറിഞ്ഞും സ്വയം ചൊറിഞ്ഞും സുഖിക്കുന്ന പ്രവണതയിലേക്ക് വളരെ പ്രധാനമായ ഇത്തരം സാമൂഹ്യ സംവാദങ്ങളെ കൊണ്ടെത്തിക്കുന്നത് വിവാദവ്യവസായികള്ക്കു മാത്രം ഗുണപ്രദമാകുന്ന ഒരേര്പ്പാടായിത്തീരും.മാധ്യമങ്ങളിലെ സംവാദപരിപാടികളുടെ ഉന്നമല്ലല്ലോ ഇത്തരം സാമൂഹ്യ സംവാദങ്ങള്ക്കുള്ളത്. <BR/>.ഇതിനകം നിലവില് വന്ന ഈ സംവാദത്തിനകത്ത് നാലു പ്രശ്നങ്ങള് ഇഴപിരിഞ്ഞു കിടക്കുന്നതായികാണുന്നു. ഇവ വേര്തിരിച്ചെടുത്ത് വിശകലനം ചെയ്ത് ഓരോരുത്തരും തങ്ങളുടെ നിലപാടുകള് ഉറപ്പിക്കുന്നത് ഒരു സാമൂഹ്യമുന്നേറ്റത്തിലേക്കു തന്നെ എത്തിക്കേണ്ട ഈ സംവാദത്തിന്റെ ശരിയായ വികാസത്തിന് സഹായിക്കും എന്നു തോന്നുന്നു.<BR/><BR/>പ്രശ്നം-ഒന്ന്. ബിരുദതലത്തില് ഏതെങ്കിലും പൊതു വിഷയങ്ങള് പഠിക്കണമോ അതോ അതതു വിഷയങ്ങളിലെ സവിശേഷ പഠനം മാത്രം മതിയോ എന്ന പ്രശ്നം. <BR/><BR/>പ്രശ്നം-രണ്ട്- പൊതു വിഷയങ്ങള് ആകാമെങ്കില് അത് ഭാഷാകേന്ദ്രിതമാകണമോ (ഇന്നത്തെ പോലെ പാര്ട്ട് 1 ഇംഗ്ളീഷ്, പാര്ട്ട്- രണ്ട് മലയാളമടക്കമുള്ള ഏതെങ്കിലും ഭാഷാവിഷയങ്ങള് എന്ന രീതിയിയില്) ഭാഷ എന്നു നിഷ്കര്ഷയില്ലാത്ത പൊതുവിഷയങ്ങള് മതിയോ എന്ന രണ്ടാം പ്രശ്നം.<BR/><BR/>പ്രശ്നം- മൂന്ന്- ഈ പൊതുപഠനം ഭാഷാവിഷയങ്ങള് തന്നെയാകണം എന്നാണെങ്കില് അതു അതതു ഭാഷാ സാഹിത്യങ്ങളെ മാത്രം കേന്ദ്രീകരിച്ചുകൊണ്ടുള്ള പഠനമാകണമോ അതൊ സാഹിത്യമടക്കമൂള്ള അതതു ഭാഷകളുടെ വിവിധ വ്യവഹാരരൂപങ്ങളെ പഠിക്കുകയും പരിശീലിക്കുകയും ചെയ്യുന്ന സാഹിത്യ പഠനത്തിന് ഇന്നുള്ള പ്രാമുഖ്യം കുറച്ചു കൊണ്ടുള്ള പഠനമാകണമോ എന്ന പ്രശ്നം.<BR/><BR/>പ്രശ്നം- നാല് നിലവിലുള്ള പാര്ട്ട്1,പാര്ട്ട്2 സംവിധാനം തന്നെയാണ് തുടരേണ്ടതെങ്കില് മലയാളം എല്ലാ ബിരുദവിദ്യാര്ത്ഥികളും പഠിക്കേണ്ട ഒന്നാം ഭാഷയാക്കി മാറ്റണോ അതോ നിലവിലുള്ളതു പോലെ ഇംഗ്ളീഷിനെ ഒന്നാം ഭാഷയാക്കിയും മലയാളത്തെ വിവിധഭാഷകള്ക്കിടയില് നിന്ന് തിരഞ്ഞെടുക്കാവുന്ന രണ്ടാം ഭാഷയാക്കിയും നിലനിര്ത്തിയാല് മതിയോ എന്ന ഒടുക്കത്തെ പ്രശ്നം.<BR/><BR/>ഈ ചര്ച്ചയുമായി ബന്ധപ്പെട്ട് ആമുഖം എന്ന നിലയില് മറ്റൊരു സുപ്രധാന പ്രശ്നത്തിലും വ്യക്തത വരുത്തേണ്ടതുണ്ട് എന്നു തോന്നുന്നു.<BR/><BR/>ഒരു ജനാധിപത്യ വ്യവസ്ഥയില് ഒരു സമൂഹത്തിലെ വിദ്യാഭ്യാസ-ഭാഷാ നയങ്ങളും അതനുസരിച്ചുള്ള ആസൂത്രണങ്ങളും രൂപപ്പെടുത്തേണ്ടത് ആരാണ്?<BR/><BR/>1. ജനാധിപത്യരീതിയില് തിരഞ്ഞെടുക്കപ്പെട്ട സംസ്ഥാനഭരണകൂടങ്ങളും വിവിധ ഭരണ വകുപ്പുകളും ഭരണകൂടം നിര്ദ്ദേശിച്ച നിശ്ചിത ഏജന്സികളും?<BR/><BR/>2. ജനാധിപത്യരീതിയില് തിരഞ്ഞെടുക്കപ്പെട്ടതും അല്ലാത്തതുമായ (സംസ്ഥാന ഭരണകൂടങ്ങളടക്കം നിര്ദ്ദേശിച്ചിട്ടുള്ളതുമായ) വിവിധ അക്കാദമികള്, സര്വ്വകലാശാലകള് തുടങ്ങിയവ?<BR/><BR/>3. കേന്ദ്ര ഭരണകൂടവും വിവിധ ഭരണ വകുപ്പുകളും ഭരണകൂടം നിര്ദ്ദേശിച്ച നിശ്ചിത ഏജന്സികളും?.(യു.ജിസി., എന്.സി.ആര്.ടി, ഐ.സി.എച്ച്.ആര് അടക്കമുള്ള വിവിധ കൌണ്സിലുകള് തുടങ്ങിയവ)<BR/><BR/>4. ആഗോളവല്ക്കരണത്തിന്റെ വര്ത്തമാനയുക്തികളെ പിന്പറ്റി ഏതെങ്കിലും ദേശരാഷ്ട്രാതീതമായ അന്താരാഷ്ട്ര ഏജന്സികള്?<BR/><BR/>5. ഈ മേഖലകളില് പ്രവര്ത്തിക്കുന്ന വിവിധസംഘങ്ങള്? (അദ്ധ്യാപകര്, വിദ്യാര്ത്ഥികള്, വിദ്യാഭ്യാസ ഭാഷാ വിചക്ഷണര്,എന്.ജി.ഓ.കള്)<BR/><BR/>6. അതോ പൊതുസമൂഹത്തെ മുഴുവന് പങ്കാളികളാക്കുന്ന പൊതുതിരഞ്ഞെടുപ്പും അഭിപ്രായ വോട്ടെടുപ്പും പോലുളള ജനാധിപത്യസംവിധാനങ്ങള്?<BR/><BR/>ഈ മേഖലകളില് പൊതുനിലപാടുകള് രൂപീകരിക്കുന്നതിനായി ഉപരി ചര്ച്ചകള് നടക്കണമെന്ന് ആഗ്രഹിക്കുന്നു.<BR/><BR/>മേല് ഉന്നയിച്ച പ്രശ്നങ്ങളില് ഞാനെത്തിചേര്ന്നിരിക്കുന്നതും പുനരാലോചയ്ക്ക് വിധേയമായതുമായ തല്ക്കാല ധാരണകളെ അത്ര ചുരുക്കത്തിലല്ലാതെ വിസ്തരിക്കേണ്ടതിനാല് കൈയൊഴിവുള്ള തൊട്ടടുത്ത അവസരത്തിലേക്ക് മാറ്റിവെയ്ക്കുന്നു.<BR/><BR/>ഈ വിഷയത്തില് ഏതായാലും പ്രശ്നാധിഷ്ഠിത പിന്തുണ വാഗ്ദാനം ചെയ്തു കൊണ്ട് ഭാവുകങ്ങളോടെ<BR/>h.k. santhosh<BR/>http://hksanthosh.blogspot.comsanthoshhrishikeshhttps://www.blogger.com/profile/03853803742686438243noreply@blogger.comtag:blogger.com,1999:blog-4097032754923504419.post-61404951091471790932009-04-06T04:43:00.000-07:002009-04-06T04:43:00.000-07:00പാവം ബോഡിന്റെ സേവനം മാനിക്കപ്പെടാതെ പോവരുതു്പാവം ബോഡിന്റെ സേവനം മാനിക്കപ്പെടാതെ പോവരുതു്Anonymousnoreply@blogger.com